భూదాన్ పోచంపల్లి, సెప్టెంబర్ 13 (ప్రజా జ్యోతి) వీఆర్ఏలకు మద్దతుగా అసెంబ్లీ ముట్టడికి సిద్దమవుతున్న భూదాన్ పోచంపల్లి ఎమ్మార్పీఎస్ నాయకులను పోలీసులు ముందస్తు చర్యలో భాగంగా అరెస్టు చేశారు. ఈ సందర్భంగా ఎమ్మార్పీఎస్ నాయకులు మాట్లాడుతూ అరెస్టులతో ఉద్యమాన్ని ఆపలేరు అని హెచ్చరించారు. ఈ కార్యక్రమంలో ఎమ్మార్పీఎస్ మండల ఇంచార్జ్ కొమ్మన బాల నరసింహ మాదిగ ఎమ్మార్పీఎస్ పోచంపల్లి పట్టణ అధ్యక్షులు పెద్దల శీను మాదిగ నాయకులు మూటపురం రవి మాదిగ ఉద్యమ నాయకులు మంచాల మధు మాదిగ నాయకులు కొమ్ము లక్ష్మణ్ మాదిగ, కుక్క దానయ్య మాదిగ, బాలయ్య మాదిగ తదితరులు పాల్గొన్నారు.