ములుగు జిల్లా ప్రతినిధి,సెప్టెంబర్ 15 (ప్రజా జ్యోతి): అన్నదమ్ములకు మొద‌లైన గొడవ త‌మ్ముడి ప్రాణాల మీదికి తెచ్చింది.కోపం ప‌ట్ట‌లేక అన్న త‌న త‌మ్ముడిని కొట్టడంతో అక్కడికక్కడే చ‌నిపోయాడు.ఈ ఘటన ములుగు జిల్లా మంగపేట మండలం కమలాపురంలో బుధవారం రాత్రి జరిగింది. కమలాపురంలోని అల్లూరి సీతారామరాజు వీధి (చెరువుకట్ట ఏరియా)కు చెందిన మునుకుంట్ల సంపత్ మునుకుంట్ల శేఖర్ ఇద్దరు అన్నదమ్ములు బుధవారం రాత్రి వీరిద్దరి మధ్య గొడవ జరిగింది.అది కాస్తా ముదరడడంతో కోపోద్రికుడైన అన్న మునుకుంట్ల సంపత్ త‌న తమ్ముడు శేఖర్ ముఖంపై కర్రతో గ‌ట్టిగా కొట్టాడు. దీంతో మునుకుంట్ల శేఖర్ అక్కడికక్కడే ప్రాణాలు వ‌దిలాడు.ఈ సమాచారం అందుకున్న పోలీసులు గురువారం సంఘటనా స్థలాన్ని పరిశీలించి కేసు న‌మోదు చేసి ద‌ర్యాప్తు చేస్తున్నారు.