బతుకమ్మ పేర్చే ఒక్కో పువ్వుకి ఒక్కో అర్థం.. - ఆ పూలలో ఔషధ గుణాలు
నిడమనూరు, సెప్టెంబర్23(ప్రజాజ్యోతి) : రంగురంగు పూలతో చేసుకునే పూల పండుగ. పూలనే గౌరీదేవిగా పూజించే అపురూపమైన పండుగ. ప్రకృతితో మమైకం అయ్యే అద్భుతమైన పండుగ చిన్నా పెద్ద, పేద, ధనిక అనే బేధభావనలు లేకుండా గౌరమ్మను తన్మయత్వంతో ఆరాధించే పండుగ బతుకమ్మ. తెలంగాణ బతుకమ్మ పండుగకు ముస్తాబయ్యింది. ఆశ్వయుజ మాసం ఆరంభం అమావాస్య రోజు నుంచి ' బతుకమ్మ' వేడుకలను తొమ్మిది రోజుల పాటు ఆడబిడ్డలు ఆటపాటలతో ఉత్సాహంగా జరుపుకుంటారు. తొమ్మిది రోజులపాటు ప్రత్యేక పూలతో అలంకరించి బతుకమ్మను పేరుస్తారు.అయితే బతుకమ్మలో ఉపయోగించే పూలకు పలు ప్రత్యేకతలు ఉన్నాయి. ఒక్కో పువ్వుకు ఒక్కో ప్రత్యేకత ఉంది.