స్టేషన్ ఘనపూర్, సెప్టెంబర్ 22 ( ప్రజాజ్యోతి ) :- స్టేషన్ ఘనపూర్ మండలం , శివునిపల్లి గ్రామంలోని గ్రామా పంచాయతి కార్యాలయం వద్ద గురువారం పాత పెన్షన్లకు చెందిన ఆసరా పెన్షన్ కార్డులు అందించే కార్యక్రమం నిర్వహించారు. ఈ కార్యక్రమానికి ముఖ్య అతిధిగా ఎమ్మెల్యే రాజయ్య విచ్చేశారు. ఈ సమావేశంలో శివునిపల్లి గ్రామానికి సంబంధించిన ఓల్డ్ పింఛన్లకు సంబంధించిన ఆసరా పింఛన్ కార్డులను తెలంగాణ రాష్ట్ర ప్రభుత్వం రాష్ట్ర మహిళలందరికీ ఉచితంగా పండుగ కానుకగా అందిస్తున్న బతుకమ్మ చీరలను ఎమ్మెల్యే డాక్టర్ తాటికొండ రాజయ్య లబ్ధిదారులకు పంపిణీ చేశారు. ఈ కార్యక్రమంలో జిల్లా స్టాండింగ్ కమిటీ చైర్మన్, జడ్పీటీసీ మారపాక రవి, వ్యవసాయ మార్కెట్ చైర్మన్ గుజ్జరి రాజు, ఎంపీపీ కందుల రేఖ, కుడా డైరెక్టర్ ఆకుల కుమార్, మండల అధ్యక్షుడు మాచర్ల గణేష్, పార్టీ నాయకులు, లబ్ధిదారులు పాల్గొన్నారు.