గుర్రంపోడ్:సెప్టెంబర్ 09(ప్రజా జ్యోతి)అన్నదానం మహాదానమని గుర్రంపోడు మండలకేంద్ర సర్పంచ్ మస్రత్ జహ సయ్యద్ మియా అన్నారు.వినాయక నవరాత్రి ఉత్సవాలలో భాగంగా గుర్రంపోడు మండల కేంద్రంలోని ఉడిపి హోటల్ ఎదురుగా ఏర్పాటుచేసిన వినాయక మండపం వద్ద శుక్రవారం నిర్వహించిన అన్నదాన కార్యక్రమంలో ఆయన పాల్గొని భక్తులకు అన్నదానం చేశారు.ఈ సందర్భంగా ఆయన మాట్లాడుతూ.. మండల కేంద్రంలోని ప్రజలు ప్రశాంత వాతావరణంలో వినాయక నవరాత్రి ఉత్సవాలు భక్తిశ్రద్ధలతో నిర్వహించుకోవాలని అన్నారు.ఈ కార్యక్రమంలో ఉప సర్పంచ్ పగిళ్ల లాలయ్య,తేలుకుంట్ల నరసింహ,గుమ్మడవెల్లి జగన్,యడవల్లి రమేష్, కాలనీవాసులు తదితరులు పాల్గొన్నారు.