ముఖేష్ అంబానీ సంచలన ప్రకటన.. రూ.100కే 90 రోజులు జియో హాట్‌స్టార్

ముఖేష్‌ అంబానీ టెలికాం రంగంలో సత్తా చాటుతున్నారు. అన్ని రంగాల్లో అడుగు పెడుతున్న అంబానీ.. ఇటీవల డిస్ని+హార్ట్‌స్టార్‌ను కొనుగోలు చేసిన విషయం తెలిసిందే. ఇప్పుడు జియో హార్ట్‌స్టార్‌లో అద్భుతమైన ఆఫర్‌ను తీసుకువచ్చారు. అంబానీ సంచలన ప్రకటన.. రూ.100కే 90 రోజులు జియో హాట్‌స్టార్‌ను అందించనున్నారు. రిలయన్స్ జియో ప్రీపెయిడ్ సిమ్ వాడుతున్న వినియోగదారుల కోసం ముఖేష్ అంబానీ ఒక గొప్ప ప్లాన్‌ను తీసుకొచ్చారు. ఇది కేవలం 100 రూపాయలకే ఉచిత జియో హాట్‌స్టార్ ప్రయోజనాన్ని అందిస్తోంది. ఈ జియో ప్లాన్ గురించి ప్రత్యేకత ఏమిటంటే, రూ. 100 ఖర్చు చేసిన తర్వాత మీరు మొబైల్‌లో మాత్రమే కాకుండా టీవీలో కూడా జియో హాట్‌స్టార్‌ను ఆస్వాదించవచ్చు. జియో హాట్‌స్టార్ కాకుండా ఈ ప్లాన్ అందించే ఇతర ప్రయోజనాలేమిటో తెలుసుకుందాం. 100 రూపాయల రిలయన్స్ జియో ప్లాన్ కంపెనీ అధికారిక వెబ్‌సైట్ Jio.com అలాగే కంపెనీ మై జియో యాప్ రెండింటిలోనూ జాబితా చేసింది. ఈ ప్లాన్‌తో జియో హాట్ స్టార్ మాత్రమే కాకుండా ప్రీపెయిడ్ యూజర్లు కూడా కంపెనీ నుండి 5 GB హై-స్పీడ్ డేటా ప్రయోజనాన్ని పొందుతారు. కానీ డేటా పరిమితిని చేరుకున్న తర్వాత వేగం 64kbps కి తగ్గుతుందని గుర్తుంచుకోండి