నందమూరి బాలకృష్ణ, దర్శకుడు బోయపాటి శ్రీను కాంబినేషన్‌లో వస్తున్న చిత్రం ‘అఖండ 2’పై అభిమానుల్లో ఏ స్థాయిలో అంచనాలు ఉన్నాయో చెప్పడానికి ఈ ఒక్క సంఘటన చాలు. జర్మనీకి చెందిన ఓ ఎన్ఆర్ఐ అభిమాని ఈ సినిమా టికెట్‌ను ఏకంగా రూ. 2 లక్షలు పెట్టి కొనుగోలు చేసి అందరినీ ఆశ్చర్యపరిచారు.
‘అఖండ 2’ చిత్రం డిసెంబర్ 5న ప్రపంచవ్యాప్తంగా విడుదల కానున్న నేపథ్యంలో ఓవర్సీస్‌లో అడ్వాన్స్ బుకింగ్స్ ప్రారంభమయ్యాయి. ఈ క్రమంలో జర్మనీలోని ఫ్రాంక్‌ఫర్ట్‌లో నివసించే రాజశేఖర పర్ణపల్లి అనే బాలయ్య వీరాభిమాని, తన అభిమాన హీరో సినిమా కోసం ఏకంగా రూ. 2,00,000 చెల్లించి ఒక టికెట్‌ను దక్కించుకున్నారు.
సాధారణంగా అభిమానం ప్రదర్శించడానికి ఎన్నో మార్గాలు ఉంటాయి. కానీ, ఒకే టికెట్ కోసం ఇంత పెద్ద మొత్తంలో ఖర్చు చేయడం నందమూరి బాలకృష్ణకు ఉన్న క్రేజ్‌కు నిదర్శనంగా నిలుస్తోంది. ఈ అరుదైన విషయాన్ని చిత్రబృందం సోషల్ మీడియా ద్వారా పంచుకుంది. దీంతో ఈ వార్త ప్రస్తుతం నెట్టింట వైరల్‌గా మారింది.
