సిద్దిపేట:-ఫ్లై ఓవర్ నిర్మాణంలో జాప్యం ఎందుకు చేస్తున్నారంటూ మెదక్ పార్లమెంటు సభ్యుడు రఘునందన్ రావు కాసింత ఆగ్రహం వ్యక్తం చేశారు. గురువారం నాడు సమీకృత జిల్లా కలెక్టరేట్ సమావేశ మందిరంలో జరిగిన దిశ కమిటీ సమావేశంలో జిల్లా కలెక్టర్ హైమావతితో కలిసి పాల్గొన్నారు. ఈ సందర్భంగా రఘునందన్ రావు మాట్లాడుతూ ప్రమాదాల నివారణకు ఏకైక మార్గం ఫ్లై ఓవర్ ఒక్కటే మార్గమని, ఇప్పటి వరకు ఎందుకు పనులు జరగటం లేదని సంబంధిత అధికారులపై ఆగ్రహం వ్యక్తం చేశారు. జిల్లా గ్రంథాలయం నుండి ఎంపిడిఓ చౌరస్తా, రంగదాంపల్లి చౌరస్తా ల మీదుగా ఫ్లై ఓవర్ నిర్మాణ పనులు వేగంగా పూర్తి చేసేందుకు అవసరమైన చర్యలు చేపట్టాలన్నారు.
