సీఎంతో పాటు ఉప ముఖ్యమంత్రిని నియమిస్తారని ప్రచారం నేపథ్యంలో సీఎం, డిప్యూటీ సీఎం చాన్స్ ఎవరికి లభిస్తుందనే చర్చ మొదలైంది.
ఢిల్లీలో బీజేపీ విక్టరీ దిశగా దూసుకుపోతోంది. మేజిక్ ఫిగర్ దాటి మంచి మెజార్టీ సాధిస్తోంది. ఆప్ ప్రభుత్వంలో కీలకంగా పనిచేసిన వారిని మట్టికరిపిస్తోంది. ఇక విజయం లాంఛనమే కావడంతో సీఎం పీఠం కోసం పోటీ తీవ్రమవుతోంది. సీఎం అభ్యర్థులుగా ప్రధానంగా ముగ్గురి పేర్లు వినిపిస్తున్నాయి. సీఎంతోపాటు ఉప ముఖ్యమంత్రిని నియమిస్తారని ప్రచారం నేపథ్యంలో సీఎం, డిప్యూటీ సీఎం చాన్స్ ఎవరికి లభిస్తుందనే చర్చ మొదలైంది.
దేశ రాజధాని ఢిల్లీలో కలమం జెండా ఎగురుతోంది. దీంతో ఆ పార్టీ సీఎం అయ్యే చాన్స్ ఎవరకంటూ చర్చ తీవ్రంగా సాగుతోంది. ఎన్నికలకు మందు సీఎం అభ్యర్థిగా ఎవరి పేరూ ప్రకటించలేదు. దాదాపు 27 ఏళ్లుగా ఢిల్లీ పీఠానికి దూరంగా ఉన్న బీజేపీలో సీఎం చాన్స్ కోసం చాలా మంది ప్రయత్నిస్తున్నారు. 1993లో చివరగా అధికారం చేపట్టిన బీజేపీ 1998లో సీనియర్ నేత సుష్మా స్వరాజ్ ను సీఎం చేసింది. ఎన్నికలను దృష్టిలో పెట్టుకుని ఆమెతో కేంద్ర మంత్రి పదవికి రాజీనామా చేయించారు. కానీ ఫలితం దక్కలేదు. ఆ తర్వాత మళ్లీ ఇప్పుడే బీజేపీ అధికారంలోకి వచ్చింది. దీంతో సీఎం చాన్స్ ఎవరికి ఇస్తుందనే చర్చ నడుస్తోంది.
