గంగమ్మ వాగు పరిశీలన
— జిల్లా కలెక్టర్ ఆశిష్ సాంగ్వాన్
రామారెడ్డి నవంబర్ 28 (ప్రజా జ్యోతి)
కామారెడ్డి మండల కేంద్రంలోని గంగమ్మ వాగు వంతెనను ఆకస్మికంగా తనిఖీ చేసిన జిల్లా కలెక్టర్ ఆశిష్ సాంగ్వాన్.వంతెనకు అనుసంధానమయ్యే రహదారి భాగంలో ఏర్పడిన గుంతను పరిశీలిస్తూ సంబంధిత అధికారులతో పరిస్థితిని సమీక్షించారు.అధికారులు వంతెన భద్రత,రహదారి పునరుద్ధరణ చర్యలు తక్షణ మరమ్మతుల పై చర్చించి,సంబంధిత శాఖలను వేగంగా చర్యలు తీసుకోవాలని ఆదేశిస్తూ, రహదారి ప్రయాణికులకు ఇబ్బందులు కలగకుండా తక్షణం పునరుద్ధరణ పనులు చేపట్టాలని సూచించారు.ఈ సందర్శనలో ఆర్‌అండ్‌బీ విభాగం నుండి ఎగ్జిక్యూటివ్ ఇంజనీర్ పి.మోహన్, అసిస్టెంట్ ఎగ్జిక్యూటివ్ ఇంజనీర్ కె.రవితేజ, అలాగే రామరెడ్డి మండల రెవెన్యూ అధికారి తాసిల్దార్ ఉమలత ఆర్ఐ రవికాంత్ పాల్గొన్నారు.
