సాధారణంగా వివిధ ప్రాంతాల్లోని కాలనీలకు వ్యక్తుల పేర్లు ఉండటం మనం చూస్తుంటాం. కానీ, గ్రామాలకు వ్యక్తుల పేర్లు ఉండటం చాలా అరుదు. అయితే, రెబల్ స్టార్ ప్రభాస్ పేరుతో ఒక గ్రామానికి పేరు ఉండటం, అది కూడా మన దేశంలో కాకుండా పొరుగు దేశంలో ఉండటం ఆశ్చర్యం కలిగిస్తుంది. ప్రస్తుతం రెబల్ స్టార్ ప్రభాస్ పాపులారిటీ ప్రపంచవ్యాప్తం అయిన విషయం తెలిసిందే.
బాహుబలి, సాహో, సలార్ వంటి పాన్ ఇండియా మూవీలతో ప్రభాస్ గ్లోబల్ స్టార్‌గా గుర్తింపు తెచ్చుకున్నారు. అయితే ప్రభాస్ పేరుతో ఒక గ్రామం ఉందనే విషయం ప్రస్తుతం సోషల్ మీడియాలో హాట్ టాపిక్‌గా మారింది. ఒక గ్రామానికి ప్రభాస్ పేరు ఉండటం, అదీ కూడా భారతదేశంలో కాకుండా పొరుగు దేశం అయిన నేపాల్‌లో ఉండటం విశేషంగా మారింది.
ఒక తెలుగు మోటో బ్లాగర్ నేపాల్‌లో పర్యటిస్తుండగా, ఒక ఊరి పేరు ప్రభాస్ అని ఉండటాన్ని గమనించాడు. దీంతో అతను వెంటనే ప్రభాస్ పేరుతో ఉన్న గ్రామ బోర్డు కనిపించేలా వీడియో తీసి సోషల్ మీడియాలో పోస్ట్ చేశాడు. తాను నేపాల్‌లో ప్రభాస్ అనే ఊరిలో ఉన్నానని, మన తెలుగు వారికి ప్రభాస్ అనే పేరు వినగానే ఒక వైబ్ వస్తుందని, మీరు ఎప్పుడైనా ప్రభాస్ అనే పేరుతో ఉన్న గ్రామాన్ని చూశారా అంటూ ఆ వీడియోలో ప్రశ్నించాడు.
అయితే ఆ గ్రామానికి ప్రభాస్ అనే పేరు ఎందుకు వచ్చింది, దాని వెనుక కథ ఏమిటి అన్నది మాత్రం తెలియ రాలేదు. అయితే ప్రభాస్ అభిమానులు మాత్రం తమ అభిమాన నటుడి పేరుతో ఒక గ్రామం ఉండటంపై సంతోషాన్ని వ్యక్తం చేస్తున్నారు. ఇది నేపాల్‌లోని ఒక చిన్న పట్టణం అయినప్పటికీ ఇది మాత్రం గర్వకారణంగా అభిమానులు పేర్కొంటున్నారు. మరోవైపు ప్రభాస్ అనే పేరు ఆ గ్రామానికి ఎలా వచ్చింది అని నెటిజన్లు గూగుల్‌లో తెగ సెర్చ్ చేస్తున్నారు.
