ఫిబ్రవరి 20 నుంచి క్రెడిట్ కార్డ్ కొత్త రూల్స్.. బ్యాంక్ ప్రకటన.. కొత్త ఛార్జీలు, కండీషన్లు ఇవే!
IDFC First Bank: క్రెడిట్ కార్డు యూజర్లకు బిగ్ అలర్ట్. ప్రముఖ ప్రైవేట్ రంగ బ్యాంక్ కీలక ప్రకటన చేసింది. క్రెడిట్ కార్డు రూల్స్ మార్చినట్లు తెలిపింది. కొత్త వడ్డీ రేట్లు, కండీషన్లు, ఫీచర్లు ఫిబ్రవరి 20వ తేదీ నుంచి అమలులోకి వస్తాయని తెలిపింది. ఆ వివరాలు తెలుసుకుందాం.
Credit Cards: క్రెడిట్ కార్డు వినియోగదారులకు బిగ్ షాకిచ్చింది దిగ్గజ ప్రైవేట్ రంగ బ్యాంక్ ఐడీఎఫ్‌సీ ఫస్ట్ బ్యాంక్ (IDFC First Bank). క్రెడిట్ కార్డులకు సంబంధించిన కొత్త రూల్స్ తీసుకొచ్చింది. ఈ కొత్త రూల్స్ ఫిబ్రవరి 20, 2025 నుంచే అమలులోకి వస్తాయని తెలిపింది. కొత్త మార్పుల్లో యాన్యువల్ పర్సెంటేజ్ రేట్ (APR)లో మార్పు, ఫ్యూయల్ ఫీ, సర్‌చార్జీ మాఫీ, స్టేట్మెంట్, పేమెంట్ డ్యూ టేడ్, ఎడ్యుకేషన్ ఫీ పేమెంట్స్, రైల్వే లాంజ్ యాక్సెస్, యాడ్ ఆన్ కార్డ్ ఫీ, కార్డ్ రీప్లేస్‌మెంట్ ఫీ వంటి కీలక అంశాలు ఉన్నాయి. క్రెడిట్ కార్డు బిల్లులు పూర్తిగా చెల్లించలేక కనీస పేమెంట్ చేసినప్పుడు ఏపీఆర్ అనేది కీలకంగా మారుతుంది. ఏపీఆర్ రేటు ప్రకారం వడ్డీ చెల్లించాల్సి వస్తుంది. అందుకే క్రెడిట్ కార్డు యూజర్లు ప్రతి అంశాన్ని తెలుసుకోవాల్సిన అవసరం ఉంది. స్టేట్మెంట్, పేమెంట్ డ్యూ డేట్..
ఫస్ట్ మిలేనియా, ఫస్ట్ వెల్త్, ఫస్ట్ స్వైప్ క్రెడిట్ కార్డులకు సంబంధించిన స్టేట్మెంట్ డేట్ అనేది ప్రతి నెలా 20వ తేదీగా ఉంటుందని ఐడీఎఫ్‌సీ ఫస్ట్ బ్యాంక్ తెలిపింది. అయితే, పేమెంట్ డ్యూ డేట్ మాత్రం 15 రోజులుగానే ఉంటుందని స్పష్టం చేసింది. థర్డ్ పార్టీ ప్లాట్‌ఫామ్స్‌తో ఎడ్యుకేషన్ ఫీ చెల్లింపులు..
క్రెడ్, పేటీఎం, చెక్, మొబిక్విక్ వంటి థర్డ్ పార్టీ ప్లాట్‌ఫామ్స్ ద్వారా ఎడ్యుకేషన్ ఫీస్ చెల్లించినట్లయితే 1 శాతం ఫీ పడుతుంది. కనీస ఫీ రూ.249గా ఉంటుంది. అలాగే స్కూల్, కాలేజీలోని పీఓఎస్ మెషీన్ల ద్వారా పేమెంట్స్ చేస్తే ఎలాంటి ఫీ ఉండదు.
